Laçın-Xankəndi yolunda keçirilən aksiyadan 5 gün keçir. Artıq 5 gündür ki, ictimai xadimlər, ekofəallar, QHT nümayəndələri aksiya iştirakçılarına dəstək verməyə davam edir. Bu gün azərbaycanlı fəallar Şuşa-Xankəndi yolunda keçirdikləri etiraz aksiyasında yeni tələblər səsləndiriblər.
Hazırda Şuşa-Xankəndi yolundakı aksiyada iştirak edən "Turan Araşdırma Mərkəzi" İctimai Birliyinin sədri, iqtisadçı alim, hüquqşünas Cavid İsmayıl deyib ki, Şuşaya davul-zurna dəstəsinin gəlməsini təşkil etmişik: "Təsəvvür edin, dağın ətəyində, düşmənlə üz-üzə. İlk öncə "Cəngi", daha sonra "Yallı". Nəyə görə "Cəngi?"
Bura ər meydanıdır. Türkün ata yurdudur. Belə bir yerdə "Cəngi" olmalıdır ki, xalqımızın məğrur olduğunu görsünlər. Dost sevinsin, düşmənə göz dağı olsun. Yallı isə xalqımızın birliyini göstərir. Hamı- gənc, yaşlı, media nümayəndələri yallıya qoşuldu".