“Saxta erməni soyqırımı” mövzusunda tədbir keçirilib

“Saxta erməni soyqırımı” mövzusunda tədbir keçirilib
Tarix :

24-12-2021, 15:41

24 aprel 2019-cu il tarixində Bakı Slavyan Universitetində Turan Araşdırmalar Mərkəzi İctimai Birliyinin təşkilatçılığı ilə “Saxta erməni soyqırımı” mövzusunda tədbir keçirilib

Öncə qonaqlar Bakı Slavyan Unversitetində Azərbaycan xalqının ümumilli lideri Heydər Əliyevin büstü önünə gül dəstələri düzərək tədbirə başlamışlar. Tədbirdə tanınmış elm insanları nitqlər söyləyərək tarix səhnəsində ermənilərin saxtakarlıqları haqqında danışıblar.“Saxta erməni soyqırımı” mövzusunda keçirilən tədbirdə Milli Məclisin üzvü, millət vəkili Adil Əliyev, Türkiyə Respublikasının Azərbaycandakı səfirliyinin 2-ci katibi- Tuba Üzər, Türkiyənin Azərbaycandakı təhsil müşaviri – Mahmud Ağırman, Yunus Əmrə institutunun müdiri, Doc. Dr.Cihan Özdemir,Azərbaycan Türkiyə İş Adamları Birliyinin (ATİB) sədri Camal Yangın, tanınmış yazıçı publisist, jurnalist, tarixi romanların müəllifi, tarixçı, Turan Araşdırma Mərkəzinin idarə heyyətinin üzvü Yunus Oğuz, sosioloq, professor, Turan Araşdırma Mərkəzinin idarə heyyətinin üzvü Əhməd Qəşəmoğlu və Azərbaycan Qaçqınlar Cəmiyyəti və Qərbi Azərbaycan icmasının sədri, filologiya üzrə fəlsəfə doktoru, dosent, Əziz Ələkbərli və digər mötəbər qonaqlar bir-birindən maraqlı nitqlər söyləmişlər.

Tədbir iştirakçılarına Turan Araşdırmalar Mərkəzinin hazırladığı erməni soyqırımı ilə bağlı videoçarx disk şəkilində hədiyyə edildi. Tədbiri Bakı Slavyan Universitetinin Tədris işləri üzrə prorektoru Rafiq Novruzov açaraq bu cür tədbirlərin mütəmadi və daimi keçirilməsinin əhəmiyyətindən söhbət açdı. Daha sonra Tədbirin təşkilatçısı və aparıcısı iqtisatçı alim Cavid İsmayıl çıxış edəərk öz nitqində bildirmişdir: “Əziz dostlar, sizlərin bura toplaşmağınızın əsəs məzmununu və məqsədini artıq bilirsiniz. Bir əsrdir ki, ermənilər bu saxta soyqırımı bütün dünyaya tanıtdırmağa səy göstərirlər və özlərinin tarix ərzində türklərə qarşı törədikləri soyqırımlara baxmayaraq özlərini dünyaya məzlum xalq kimi tanıtdırırlar. Biz burada çıxışlara keçməzdən əvvəl Turan Araşdırmalar Mərkəzinin hazırladığı ermənilərin Azərbaycan xalqına qarşı törədikləri qanlı hadisələrlə bağlı videoçarxa nəzər yetirəyin. Videoçarxın hazırlanmasının əsas məqsədi isə ermənilərin dünyada bir terrorçu xalq olduğunu bir daha göstərməkdir və qeyd edim ki, elə ən çox terror təşkilatlarını yaradan xalqlardan biri də məhz ermənilərdir”. Daha sonra isə Milli Məclisin üzvü, millət vəkili Adil Əliyev çıxış edərək bildirmişdir: “Öncə tədbir iştiraçılarını, qonaqları salamlayıram. Biz öz tarixçilərimizin və dünya tarixçilərinin əsərlərində də görürük ki, tarixdə erməni sopyqırımı adlı bir hadisə olmamışdır amma ermənilər və onların havadarları hər dəfə bunu qabardaraq türk dövlətlərinə – Türkiyə və Azərbaycana, o cümlədən İslam dünyasına qarşı mühakimə etdirirlər. Mən bir tarixçi deyiləm, hərbiçiyəm və Milli Məclisin üzvi kimi deyə bilərəm ki, biz hər zaman Azərbaycanın bu günə gəlib çatmasındakı rolunu vurğulamalıyıq”. Türkiyə Respublikasının Azərbaycandakı Səfirliyinin təhsil müşaviri Mahmut Ağırman çıxışında söylədi: “Hörmətli millət vəkili, dəyərli müəllimlərimiz hər birinizi salamlayıram. Bu gün erməni soyqırımından danışırıq və onların türklərə qarşı törədikləri soyqırımlar təkcə Qarabağda, Xocalıda yox, mənimdə böyüdüyüm coğrafiyada olmuşdur. Ərzurum bölgəsinin adını xüsusilə çəkmək istərdim. 1877-1878-ci illərdə Osmanlı Rusiya müharibələrinin getdiyi qış aylarında Osmanlı ərazisində yaşayan ermənilər ruslarla anlaşma həyata keçirərək Osmanlı əsgərlərini öldürmüşlər. O gecə cərəyan edən hadisələri yaralı bir əsgərimiz Ərzuruma gələrək Camidə hocaya danışmış və hoca isə türklərə səslənmişdir”. Tarixi romanlar müəllifi, yazıçı-publisist Yunus Oğuz isə nitqində söyləmişdir: “Mahmud bəy, saxta erməni soyqırımı ilə bağlı fikirlərində 1877-1878-ci illərə toxundu və əslində qeyd etmək istərdim ki, bu hadisələrin arxasında böyük güclər dayanırdı. Belə ki, həmin güclər Osmanlı dövlətinin neft sahibliyini (yəni Ərəb ölkələrində) əlindən almaq isatəyirdilər və Ruslar isə artıq isti sulara çıxış əldə etmək niyyətində idi. Təbiidir ki, bunun üçün daxildən parçalanma mühüm rol oynayırdı. Hətta ermənilər Osmanlı dövlətindən 6 vilayət əldə etmək arzularında idilər. Amma onlar bu istəklərinə nail ola bilmədilər. Baxmayaraq ki, ermənilərə onların havadarları hər cür dəstək verirdilər. Rusiya ermənilərə kifayət qədər silah verərək hərbi birləşmələr yaradırdılar. Məhz elə buna görədir ki, Sarıqamış əməliyyatında arxa cəbhəni ermənilər kəsdiyi üçün 90 min türk əskəri soyuqdan həlak oldular. 24 apreltarixində heç bir soyqırım olmayıb”. Yunus Əmrə İnstitutunun rəhbəri Cihan Özdemir çıxış edərək bildirmişdir: “Ermənilərin bizlərə qarşı olan soyqırımları ilə bağlı çox gözəl videoçarx təqdim etdiniz. 732-735-ci illərdə Orta Asiya regionunda ikinci Göytürk dövləti yaşayırdı. Bilgə Xan Orxan abidələrində yazı həkk etdirmişdir. O daşlarda “…Taxtıma oturunca ac, yoxsul dağınıq milləti topladım, yoxsul milləti zəngin elədim, az milləti çox kıldım. Türk milləti sən ackən toxluq nədir bilmərsən, tox olduğun günləri unudursun. Amma bir kərə doydunsa aclığı heç düşünmərsən….”. Baxın bu tük millətinin hafızasıdır. Bəlkəm tarixdə nə baş veribsə bizim unutqanlığımızdan başımıza bəlalar gəlib”. Azərbaycan Türkiyə İş Adamları Birliyinin (ATİB) sədri Camal Yangın öz çıxışında iki qardaş dövlətin iqtisadi əlaqələrinin inkişafının vacibliyini vurğulayaraq bu əlaqələrin indən sonra da daha da genişləndirləcəyini vurğulamışdır. Həmçinin bu erməni yalanlarının qarşısında durmağın, onun dünyaya bir yalan olduğunu bildirmək üçün iqtisadi inkişafın əhəmiyyətindən söhbət açdı. Sosioloq, professor, Turan Araşdırma Mərkəzinin idarə heyyətinin üzvü Əhməd Qəşəmoğluda çıxışında erməni soyqırımının yalanlar üzərində qurulduğu haqqında geniş nitq söylədi. Sonda isə Bakı Slavyan Universitetinin kafedra müdiri Şəlalə xanımda erməni yalanları haqqında fikirlərinitədbir iştirakçıları ilə bölüşdü. Daha sonra digər qonaqlar bir-birinin ardınca maraqlı fikirlər səsləndirərək erməni soyqırımının yalan olduğunu söylədilər.

Tədbirdə Türkiyənin TRT kanalı ilə canlı olaraq bağlatı qurulmuşdu. Sonda iqtisadçı alim Cavid İsmayıl Azərbaycan respublikasının Təhsil Naziri Ceyhun Bayramova, Bakı Slavyan Universitetinin rektoru Nurlana Əliyevaya, prorektor Rafiq Novruzova və tədbir iştirakçılarına dərin təşəkkürünü bildirmişdir. Sonda Turan Araşdırmalar Mərkəzinin rəhbəri, tarixçi alim, professor Əjdər İsmayılovun elmi əsərləri Bakı Slavyan Universitetinin kitabxanasına hədiyyə olundu.

TURAN ARAŞDIRMA MƏRKƏZİ
image_print Çap Et

XƏBƏR LENTİ